Bandwidth throttling е намерно намалување на брзината на Интернет од страна на Интернет-провајдерот. Torrent throttling е кога тоа се прави единствено за сообраќајот, што се пренесува преку протоколот BitTorrent.
Во светот има голем број на Интернет-провајдери што го применуваат овој метод на интернет-контрола во име на т.н. борба против пиратеријата, но и заради некои други нивни причини. Ако ве интересира, прочитајте повеќе на Википедија.
Не знам за другите провајдери во Република Македонија, но изгледа дека Македонски Телеком „преминал на темната страна“ и вовел ригорозна контрола на брзината на преземање преку BitTorrent.
Од пријатели дознав дека намалувањето на брзината е активно секој ден од 8 до 23 часот, па решив да тестирам.
Најпрво, пуштив торент со голем број на сејачи и го оставив да поработи 20-тина минути. Максималната брзина што беше постигната, беше околу +160KBps. Во нормални околности, брзината треба да биде над 800KBps – претплатен сум на 3 Max Start.
Преземање преку BitTorrent со брзина од +164KBps во qBittorrent
Потоа го исклучив qBittorrent, појдов на http://www.filehippo.com и одбрав пакет по случаен избор. Овој пат брзината на преземање беше +840KBps.
Преземање преку HTTP од http://www.filehippo.com во Mozilla Firefox
Во услови на технички проблеми или нарушувања во рамките на мрежата на Македонски Tелеком (T-home), не би требало да постои разлика помеѓу овие две брзини.
По извесно време повторно го активирав истиот торент во qBittorrent и нешто пред 24 часот, брзината на преземање драстично скокна на +550KBps и продолжи да расте.
Преземање преку BitTorrent без Torrent throttling во qBittorrent
Решив да ја тестирам брзината со уште еден торент, различен од претходниот, но за жал по само неколку минути брзината повторно се намали на +200KBps.
Преземање преку BitTorrent со Torrent throttling во qBittorrent
Повторно појдов во Firefox и решив да го преземам истиот пакет од претходно. И овој пат брзината на преземање од http://www.filehippo.com беше +800KBps. Што, мислам дека е доволна потврда, дека се случува нешто сомнително.
Преземање преку HTTP од http://www.filehippo.com/ во Mozilla Firefox
Разбирам дека е можно да не може да се постигне максималната брзина на преземање за секој торент, но добро се сеќавам дека пред да се префрлам на 3 Max Start, речиси сите торенти постигнуваа брзина од околу 1MBps. Откако се префрлив ретко сум видел некој торент да постигне брзина од +800KBps.
Glasnost вели дека Македонски Телеком не практикува torrent throttling.
Резултат од тестирањето за Torrent throttling со тестот Glasnost на Max Planck Institute for Software Systems
ДОПОЛНУВАЊЕ: На страницата на MaxTV на Facebook, Natasa Petrusevska Grujoska поставила прашање во врска со ова.
